Колледжде әдістемелік күн өтті
«Менеджмент, бизнес және білім  колледжі» ЖШС-нде  білім беру сапасын арттыру және оқытушылардың кәсіби шеберлігін жетілдіру мақсатында әдістемелік күн өткізілді. Іс-шара аясында аттестаттаудан өтетін оқытушылар: Рамазан С.Т, Толықбай Н.О, Илипов М.М өз тәжірибелерімен бөлісіп, ашық сабақтар өткізді. Сабақ барысында педагогтер заманауи оқыту әдістерін қолданып, оқу мотивациясын арттыруға бағытталған интерактивті тапсырмалар мен электронды платформалар, топтық жұмыс түрлерін тиімді пайдаланды. Білім беру үрдісін жетілдіру мақсатында заманауи цифрлық құралдар кеңінен пайдаланылды.Сонымен қатар, оқушылардың білімін бағалаудың әдістері, соның ішінде қалыптастырушы бағалау, рефлексиялық талдау және кері байланыс беру тәсілдері қолданылды. Бұл өз кезегінде оқушылардың қызығушылығын арттырып, оқу процесінің нәтижелілігін жоғарылатуға мүмкіндік берді.Әдістемелік күн соңында қатысушылар іс-шараның маңыздылығын атап өтіп, өзара пікір алмасып, алдағы уақытта білім сапасын арттыруға бағытталған жаңа әдістерді енгізу жөнінде ұсыныстар жасады.