‹ Назад

2026 жылғы 8 қыркүйек күні колледжде «Адал азамат» біртұтас тәрбие бағдарламасы, «Заң мен тәртіп» қағидаты және «Жарқын болашақ» жобасы аясында «Астана Жастары» жастар ресурстық орталығы мен Астана қаласы бойынша Экономикалық тергеп-тексеру департаментінің бірлесуімен профилактикалық дәріс ұйымдастырылды.

Кездесудің негізгі мақсаты – жастардың құқықтық сауаттылығын арттыру, қаржылық қауіпсіздік туралы түсініктерін қалыптастыру, интернет-алаяқтықтың алдын алу және құқық бұзушылықтарға жол бермеу жөнінде маңызды ақпарат беру.

Дәріс спикері – Бекежан Жанбек Маратұлы, Астана қаласы бойынша Экономикалық тергеп-тексеру департаментінің өкілі.

Кездесу барысында студенттерге қаржылық алаяқтықтың кең таралған түрлері, интернет кеңістігіндегі қауіп-қатерлер және заң талаптарын сақтау мәселелері бойынша түсіндірме жұмыстары жүргізілді.

Осындай профилактикалық іс-шаралар жастардың құқықтық мәдениетін қалыптастыруға, қаржылық қауіпсіздігін нығайтуға және қоғам алдындағы жауапкершілігін арттыруға бағытталған.